पोखरा। पोखराको नयाँ बजारस्थित दराज अनलाइनको भवनबाट नगद चोरी गर्ने तीनजनालाई कास्की प्रहरीले पक्राउ गरेको छ।
पोखरा महानगरपालिका -८ नयाँ बजारमा रहेको दराज अनलाइनको डेलिभरी कार्यालय रहेको भवनको शौचालयको सिसा फोडेर नगद चोरी गर्ने तीन जनालाई कास्की प्रहरीले सोमबार पक्राउ गरेको हो।
पक्राउ पर्नेमा पोखरा -१५ टुटुङ्गा बस्ने २९ वर्षीय अर्जुन परियार, पोखरा -१० रंगशाला बस्ने २७ वर्षीय विकास अधिकारी र धादिङ जिल्ला घर भइ हाल पोखरा २ नालामुख बस्ने २९ वर्षका लोकेन्द्र बहादुर इटनी रहेका छन्।
जिल्ला प्रहरी कार्यालय कास्कीका अनुसार गत चैत्र २४ गते राति उनीहरुले दराज अनलाइनको पोखरा कार्यालयको भवनको शौचालयको सिसा फोडेर लकरमा राखिएको नगद ५ लाख बयासी हजार, मोवाइल १ थान, झोला लगायतका सामान चोरेका थिए।
घटनाबारे थाहा भएपछि वडा कार्यालय वैदामले गरेको अनुसन्धान तथा खोजतलासका क्रममा सोमबार पोखरा -५ पर्स्याङबाट उनीहरूलाई पैसा राखिएको लकर र झोलासहित पक्राउ गरिएको हो।
हाल उनीहरुमाथि आवश्यक अनुसन्धान भइरहेको जिल्ला प्रहरी कार्यालयले जनाएको छ।
सम्बन्धित खबर
पर्वतको जलजलामा दम्पती हत्याकाण्ड: दुई आरोपी प्रहरीद्वारा सार्वजनिक
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
पोखरामा पैदल यात्रीलाई दु:ख दिने तथा प्रहरी विरुद्ध अभद्र व्यवहार गर्ने एकजना पक्राउ
वैदेशिक रोजगारका नाउँमा ठगी धन्दा, झन्डै ५ करोड ठगी गरेको आरोपमा ६ जना पक्राउ
मनाङमा लुलुगाई मारेको आरोपमा ३ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग